《今日我喺圖書館借左本魔法書返屋企》（5)
「我懷疑呢個女仔食過魔法師靈魂。」
大叔聽到老師的推測後就把臉湊向我，仔細地觀察著我，而且不時用鼻子在我的臉附近嗅著。
「唔似有兩個靈魂，而且佢無食左魔法師果種腥臭味。」
他走到老師身旁拍了他的肩一下，無防備地背向著我。
「你都咁講，我信你。」
老師打了十多個響指，半透明的手漸漸消失，而我也感到那些無形的綑綁漸漸被解開。
「洗唔洗呀？對住個普通女仔要用十幾層綑綁術？」
大叔點起了一枝煙，可是隨即就被老師用手把煙從他的口裡拿走。
「你如果知道佢從來唔識魔法，而又睇左一本魔法書二十四小時都唔夠，就可以射出一個籃球咁大嘅火球就唔會咁講。」
老師依然用很懷疑的眼神望住我。
「坐低慢慢傾啦。」
大叔從遠處拿了三張椅子過來，把其中一張放到我跟前，示意叫我坐下。
「首先，我想問你有無學過魔法？有無親人喺魔法師？」
大叔首先發問，老師則走到櫃檯拿著熱水壺倒了幾杯茶給我們。
「我無學過魔法，尋日喺第一次接觸魔法，以我所知，我無親戚識魔法，或者咁講，佢地識我都未必知。」
我從老師的手裡拿過茶，雖然我有習慣性地道謝，但我還是有點害怕他。
「我為我啱啱嘅行為道歉，因為我唔知道你有咩陰謀，而且作為魔法師，有適當嘅神經質我諗都好合理。」
老師坐在我正對面，在他說話期間我喝了一口茶，我能從味道中分別到是薄荷茶。
「或者我地解釋下，點解我地會咁神經質先啦，因為正常人類，喺唔可能會識得用魔法，除非佢地本身血統有魔法力又或者透過食魔法師靈魂而得到魔法力，當然有後天透過自身練習獲得魔法力嘅人，但以我地所知，少之又少。」
大叔凝重地向我解釋，老師則在旁邊點頭和議。
「所以你地驚我喺食左魔法師靈魂嘅人？」
其實這條問題是我在心裡想而已，沒想過自己脫口而出。
「無錯，因為要殺左魔法師先可以食到佢靈魂，所以食魔法師靈魂嘅人都好危險，我地叫果班人做食魂師。」
老師說完後又喝了一口茶，大叔則在另一邊觀察我。
「而且因為魔法力可以累積，所以有好多人即使成為左魔法師，為左可以增強魔力，都有機會成為食魂師。」
大叔說完後，出現了微妙的死空氣，我故作冷靜又喝了口茶。
「我明白啦，但我的確無殺過魔法師，又無食過靈魂，應該話靈魂呢樣野我都喺第一次知道真係存在，所以更加唔好話食，另外我真喺唔知自己有無魔法師血統，我諗我要研究下先。」
正當我擔心他們不信我說的話時，大叔突然站了起身。
「好，我信你。」
「我都信你。」
老師也放下茶杯跟我說。
「點解咁容易就信我？」
這次倒是我懷疑他們了。
「因為你飲左兩啖「誠實茶」都喺咁講，我地唔通仲唔信你咩？」
大叔摸著後腦望向老師，一臉很抱歉似的。
「你地比咩我飲呀？」
我立刻望向茶杯，這才發現杯底的茶葉原來寫了些很細小的文字。
「你比符水我飲呀？」
「魔法茶葉嚟，我地都有飲啦，無事嘅。」
大叔舉起杯，向我露出「CHEERS」的眼神後又喝了一口。
我看到他的樣子後不禁打了個顫。
「換句話講，我地啱啱都喺講真話，因為我地飲左「誠實茶」。」
這刻我才恍然大悟，原來他們也向我展示了自己的誠實。
「多謝你地。」
這刻我才感到放鬆，我雙手拿著茶杯低下頭，有種「終於沒事」的感覺。
「攪清楚咪無事囉，老師又喺嘅，郁尐就用綑綁術。」
大叔怒視著老師，老師卻裝作看不見。
「好啦，誤會解開左，茶又飲完，要傾返正經野啦。」
老師替我們收好茶杯後，一臉認真地坐在櫃檯上望向我們。
「你學識左魔法之後已經喺公眾地方用左好幾次，你嘅魔力應該已經比人追蹤到。」
「咩人會追蹤我嘅魔力？魔法師協會？」
我開始有點擔心我因為非正常途徑學會魔法，是否會觸犯了魔法師世界的法律。
「哈哈，邊有咩魔法師協會呀，睇少尐哈利波特啦，我地講緊喺對你個魔法靈魂有興趣嘅人。」
大叔由開玩笑慢慢變成認真的語氣。
「食魂師。」
老師淡淡地道出了這個名詞。
「無事……架麻？」
我裝作天真地向他們傻笑，希望事情沒我想像中那麼嚴重。
「你喺呢間學校就無事，因為我佈左結界，即使有人想用魔法攻擊呢間學校都唔會有效，甚至唔會追蹤到你嘅魔法力。」
咦？難怪之前我想用火球破壞鐵閘沒反應啦，原來不是我的魔法失靈，而是老師的結界生效了。
「你做咩咁嘅樣？唔通你已經試過用魔法攻擊學校？」
「係……」
我說完後不禁被自己嚇倒，我竟然把心底話說了出來？
「哈哈，睇嚟「誠實茶」嘅效力仲未退。」
大叔在一旁隔岸觀火，還要取笑我。
「無影響到個結界就算啦，我反而擔心你返到屋企同埋之後嘅生活……」
老師一邊若有所思地摸著自己的下巴，一邊在碎碎唸。
「你地同居咪得囉？」
大叔又再次從腰間拿出一枝煙，然後用火柴把它點燃。
「咩話？」
我跟老師對望了數秒，他的臉頰竟然泛紅，像個未經世事的小孩子一樣。
「唔得，絕對唔得。」
老師別過臉去逃避我的視線。
「咁一喺你喺我屋企整個結界？」
我折衷地想了個辦法，希望可以保障到我的安全又不用跟老師同居那麼嚴重。
「咁你平時出街點算？」
大叔擊出了一個直線球。
「唉，不如咁啦，我教你魔法，等你加強自身嘅能力，咁即使遇到敵人都可以拖延下時間等我地嚟救你啦。」
老師無奈地建議我跟他學習魔法，大叔聽到老師的話後就整個人呆了。
「你一定要幫手呀，如果唔喺我就周圍同人講你賣嘅貨唔好架啦。」
大叔本來想開口反駁，最後卻見他只可以啞忍低頭。
「唉，好多野都真喺整定。」
大叔深深地抽了一口手上的煙，這次老師卻沒阻止他。
「你首先要有大量魔力儲存喺體內先可以用到魔法，所以我會帶你去收集下魔力先，但收集魔力之前，我地要為你準備好多野。」
老師望了大叔一眼，然後把兩個裝滿鮮紅液體的燒瓶給他。
「哇，識左你咁耐都唔知你咁大方，得啦，我聽日叫我徒弟帶佢去裝身，你堆貨我照舊放喺老地方，你自己得閒去檢查啦，我走先啦，有咩事再搵我啦。」
大叔單手拿著兩個燒瓶，心情很好地走到圖書館的末端，然後充滿紫色閃光的黑色裂縫再次憑空出現。
「比你架，有咩事用佢就聯絡到我。」
一枚銀幣從裂縫中飛了出來，我隨手一接後才想起我根本不知道大叔的名字。
「我叫影商人。」
然後裂縫就消失得無影無蹤，只剩下一些紫色光點在飄浮。
----------------
上一篇完成唔到目標，希望今篇可以啦！
第一話：https://goo.gl/ZJHkBl
第二話：https://goo.gl/8knYoq
第三話：https://goo.gl/3RfjcB
第四話：https://goo.gl/cJmIoe
如果覺得好睇！記住like ＆ share呀！
見你地LIKE得咁快，等我增加個難度啦！
如果呢篇文有100like 或者 30 share，即刻出多一篇！絕不走數！
IG. promiseof8
Search